Sérkjör í boði fyrir Íslendinga á Amie Street

Nú á mánudaginn hófst sérstök “Íslensk vika” á vefsvæðinu AmieStreet.com, en hún er halding í samstarfi við Iceland Music Export. Góður fjöldi íslenskra tónlistarmanna skráði lög sín til sölu á síðunni í aðdraganda vikunnar og njóta þeir nú góðs af þeirri athygli sem að þeim er beint gegnum fréttabréf hennar, forsíðu og “Plötu dagsins” dálkinn. Má þar nefna sveitir á borð við Bloodgroup, Reykjavík! og Skáta, raftónlistarmanninn \7oi og sjálfan Jóhann G. Jóhannsson – meðal annarra – en þær hafa hlotið fjölda meðmæla og rokið upp í sölu í kjölfar átaksins.

Athygli skal vakin á því að þeir Íslendingar sem hafa hug á að kynna sér síðuna og versla tónlist gegnum hana njóta sérkjara í vikunni, en með því að slá “kynningarkóðann” ICELAND í þartilgert hólf við nýskráningu hljóta þeir inneign á síðunni í formi dollara og meðmæla (https://amiestreet.com/promo/iceland) . Fjöldi vel þekktra hljómsveita og tónlistarmanna bjóða lög og breiðskífur til sölu á síðunni, má þar nefna nýstirnin Vampire Weekend, Teenagers og The National, auk ellismellanna Jefferson Airplane, Burning Spear o.fl., en oft má nálgast tónlist þeirra á afsláttarverði sökum frjálslegrar verðlagningarstefnu síðunnar.

Um Amie Street

Tónveitan Amie Street hefur vakið mikla athygli frá því til hennar var stofnað fyrir um einu og hálfi ári. Hugmyndin að bak síðunni þykir nokkuð sérstök, en sala á tónlist gengur þannig fyrir sig að verðmyndunin ræðst af vinsældunum. Þetta þýðir að öll lög sem sett eru í sölu á síðunni fyrst um sinn ókeypis – og verð hvers lags hækkar eftir því sem oftar er náð í það, en nær hámarki í 0,98$. Einnig mynda notendurnir með sér samfélög þar sem þeir skiptast á skoðunum um tónlist og mæla með því sem þeim hugnast samkvæmt ákveðnu kerfi, en slík meðmæli valda einnig verðhækkun á tónlistinni.

Þetta einstaka kerfi skilar sér þannig í því að notendurnir fá beina hvatningu til að kynna sér nýja tónlist og geta stundað þá iðju með litlum tilkostnaði, en miklum ávinningi fyrir tónlistarfólk á framabraut. Þess má geta að hugmyndin að sölufyrirkomulaginu kviknaði á ölkrá, þar sem háskólanemar sátu og veltu því fyrir sér hvað myndi gera þá reiðubúna að kaupa tónlist gegnum netið. Fyrirtækið hefur fljótt náð mikilli útbreiðslu og þykir hafa breytt hugmyndum iðnaðarins um stafræna dreifingu á efni, en nýverið opnaði útibú Amie Street í Japan.

Hlekkir:

www.amiestreet.com

www.imx.is

Nánari upplýsingar um Íslenska daga á Amie Street veitir Anna Hildur Hildibrandsdóttir framkvæmdastjóri IMX í síma 8244371 eða anna@icelandmusic.is

khauksson

Recent Posts

Pipar\TBWA Named Advertising Agency of the Year for the Second Consecutive Year

Reykjavík, Iceland, 13.03.2025 - PiparTBWA has been named Advertising Agency of the Year for the…

3 weeks ago

QUIRKY CAMPERS UNVEILS DEDICATED GLASTONBURY 2025 CAMPERVAN FLEET

London, UK – March 12, 2025 – Quirky Campers, the UK's leading platform for handcrafted…

3 weeks ago

eXo Platform Unveils Version 7.0: A Game-Changer for the Digital Workplace

Paris, March 11, 2025 – eXo Platform, a leading open-source provider of intranet and digital…

3 weeks ago

Sasa Software Appoints Udi Doenyas as New Chairman of the Board

Tel Aviv, March 11, 2025 – Sasa Software, a global leader in advanced cybersecurity solutions…

3 weeks ago

Leaders, influencers, and individuals worldwide walk backwards to highlight the need to move forwards for women‘s rights.

Global Regression in Women's Rights Sparks UN Women National Committees’ 'March Forward' Campaign. Fri, Mar…

3 weeks ago

Savox Communications Initiates Cooperation Deal with a Northern European Customer for Advanced Audio and Intercom Command System

[Helsinki, Finland – March 7, 2025] – Savox Communications, a global leader in mission-critical communications…

4 weeks ago